ـ1ـ
يا مارْقَه حَدِّي
حْبَسْتِكْ بِـ عينَيّي
زِنْدِكْ عَلى زِنْدي
وْمُشْ حاسِّه فيّي
ـ2ـ
قِحَّيْت تا نْبِحَّيْت
وِمْشِيتْ عَ مَهْلِي
قِلْتِي عَلى السّكَّيْت:
هالشّب شُو بَهْلي
ـ3ـ
أَيْوَه.. أَنا مَفْتُونْ
بِعْيُونِك الْحِلْوينْ
طِلَّعْتي مِنّي جْنُونْ
بيخَوِّف مْجانينْ
ـ4ـ
حِنّي عَلى الْمَغْرومْ
عَمْ حَلّفِكْ حِنِّي
اللي بْيطْلُم الْمَظْلومْ
ما بْيِدْخُل الْجَنِّه
**
