ـ1ـ
كِلْمَا تْطِلَّعْت بْعِينَيْكِي
بْفَكِّرْ حَالِي زْغِيرْ
عَمْ إِرْجَعْ عَرْبِشْ عَ دَيْكِي
وْإِرْسُم تْصَاوِيرْ
عَ خْدُودْ
أَحْلَى مِنْ دِنِي
عَ زْنُودْ
حِضْن الْوَلْدَنِي
عَ شْفَافْ تِغْنِجْلِي غُنِجْ
عَ صَدِرْ أَوْسَعْ مِنْ مَرِجْ
عَ رْكَابْ مِعْتَادِه عَ حِمْلِي كْتِيرْ
ـ2ـ
يا أُمّ مِتْلا ما انْوَجِدْ
يا جَفْن فَايِقْ لِلأَبَدْ
تَا غَمِّضْ الْعِينَيْنْ
بْعُمْرِي عَبْدْت تْنَيْنْ:
أَللَّـه الساكِنْ بِالسَّمَا
وْإِنْتِي يا نُور الْعَيْنْ.
**
