عطور

ـ1ـ

لوْلا بْتَعْرِف إنتَ وَيْن

بْأَيَّا قلبْ.. بْأَيّا عَيْن

بْتِهْديني باقاتْ زْهُورْ

وْعَ جْرَيي بِتْرِشّ عْطُورْ

أَرْخَصْها "كِلْفين كْلايْن"؟

ـ2ـ

كنْت بْتِهْديني "الشّنالْ"

"نمره خمسه".. مَعْ موّالْ

وِتْقللي: بْحِبِّك كْتيرْ

أَغْلَى مِنِّكْ ما بيصيرْ

بْيِرْخَصْلِك دَمّي والمالْ

ـ3ـ

وحدَك إنْتَ الْساكنْ فيي

بدقّة قلبي.. وِبْعينيي

عم تِمْلِكْني طولْ وعرْض

بفزَع مَرّه يطلّ البغض

وتِتْركني حْكايِه مِنْسِيّه

**